कालिकोट
सान्नी त्रिवेणी गाउँपालिकामा रहेका होटल पसलमा आजवाट घरेलु मदिरा विक्री वितरण गर्न नपाईने भएको छ । सान्नी त्रिवेणी गाउँपालिकामा बसेको बैठकले मदिराजन्य पदार्थ विक्री वितरण तथा सेवनमा रोक लगाउने निर्णय गरेको हो । यूरोपीएन यूनिएन र प्लान ईन्टरनेश्नल नेपालको आर्थिक सहयोग फेडो नेपालको समन्वय र सान्नी त्रिवेणी गाउँपालिकाको आयोजनामा आज पालिकामा वसेको बैठकले यस्तो निर्णय गरेको हो ।
पालिकाका नजिकै रहेका होटल पसलमा मदिरा सेवन गरि समाजमा विकृति बढुदै गएको र सार्वजनिक स्थलमा जाँड रक्सी खाएर हो हल्ला गर्ने क्रम बढेपछि पालिकाले कडाई गर्न थालेको हो । जाँड रक्सी खाएर कोहि कसैले हो हल्ला गरेमा हो हल्ला गर्ने ब्यक्ती र मदिरा विक्री गर्ने व्यापारीलाई जरिवाना गर्ने निर्णय गरिएको छ ।
पालिकामा रहेको वजार व्यवस्थापन सुमितिका पदाधीकारी, व्यापारी जनप्रतिनिधि प्रहरी प्रशासन कर्मचारी लगायतको उपस्थितीमा वसेको बैठकले मदिरा सेवन गरि हो हाल्ला गर्नेलाई पहिलो चरणमा १ हजार ५ सय रुपैयाँ जरिवाना गर्ने र मदिरा विक्री गर्नेलाई १ हजार रुपैयाँ जरिवाना गर्ने निर्णय गरेको हो ।
मदिरा विक्री वितरण गर्नेहरुले पनि साँझ ५ वजे देखि १० वजे सम्म मात्र ईजाजतपत्र प्राप्त व्यापारीहरुले मदिरा विक्री गर्न पाउने निर्णय गरेको हो । साथै स्थानिय होटल पसलमा घरेलु मदिरालाई नियन्त्रण गर्नका लागि प्रहरी प्रशासनले गाउँपालिकाको समनवयमा आफ्नो समयअनुकल छापा मारेर घरेलु मदिरा बरामत गरि नष्ट गर्ने निर्णय भएको हो ।
साथै गाउँपालिकाका विभिन्न स्थानमा कतिपयले आफ्नो व्यवसाय दर्ता नगरि स्रंचालन गरिरहेको हुँदा यहि माघ महिना भित्र आफ्नो व्यवसाय दर्ता गर्न समेत गाउँपालिकाले आग्रह गरेको छ । आज पालिकाले गरेको निर्णयको कार्यन्वयन गरि जथाभावि रुपमा मदिार सेवन र विक्री वितरण गरेको मदिरा ऐन २०३१ अनुसार कार्वाही गरिने समेत जनाइएको छ ।
गाउँपालिका उपाध्यक्ष पार्वती शिंह संज्यालको अध्यक्षतामा वसेको बैठकमा वडा नं. ४ का वडा अध्यक्ष देवनाथ योगी, निमित्त प्रमुख प्रशासकिय अधिकृत मोहन सुवेदि, प्रहरी चौकी मेहलमुडीका प्रहरी सहायक निरीक्षक तिलक बहादुर डाँगी वजार व्यवस्थापन समितिका पदाधिकारी व्यापारी लगायतको उपस्थिती रहेको थियो ।
आज गरेको यो निर्णयको सबैले आ आफ्नो क्षेत्रवाट कार्यान्वयन गर्न समेत उपाध्यक्षले आग्रह गर्नुभयो । मदिरा सेवन गर्नाले नै घरेलु हिंसा तथा महिला हिंसा बढेको भन्दै उहाँले घरेलु हिंसा र महिला हिंसा अन्त्यका लागि पनि मदिरा सेवन तथा विक्री वितरणमा कडाई गर्नुपर्ने बताउनु भएको छ ।
